مش انا يا حبيبتي اللي ممكن اتنسي
ولا اصبح ف بكره ذكرى
خليكي فاكره
ان فضلت ولا سافرت
كل شيء هيفكرك دايما ببكره
بكلمه حلوه قلتها
او همسه منك سمعتها
في ساعة صفا
في لحظة جفا
في حضن كان مليان دفا
وألف بوسه زرعتهم
والف كاس شربتهم
وعصرتهم
من ورد الشفايف
اللي عمري ما كنت ف يوم
من حلاوتها خايف
اسألي حمرة خدودك
وغمزاتك
اسألي رمل الشط في ليل المصايف
اسألي موج البحر اللي كان شاهد وشايف
وخليكي فاكره
يوم ما ارجع م السفر هتلاقيني
راجع بأشواقي وحنيني
بحضن مليان دفا
بيقولك تعالي احضنيني
ابعدي وجعي وانيني
اللي عاش جوه قلبي وانتي واقفه بتودعيني
فاكره حبيبتي
ولا محتاجه افكرك وتفكريني
كل شيء بينا عايش معايا
حتى في ليل غربتي
كنتي ظلي ف المرايا
كنتي عمري وصبايا
ابتسامتي الباكيه فوحدتي
لما كنت بحسبها النهاية
ولسه جايه تسألي
والله عشقك يا حبيبتي ملوش نهاية
samir