مجلة زهرة الصبار
http://www.w6n3mri.com/vb/free-mody-desing2014/4.gif

مجلة متخصصة في الشعر والخواطر والفنون
 
الرئيسيةالرئيسية  اليوميةاليومية  الأحداثالأحداث  المنشوراتالمنشورات  التسجيلالتسجيل  دخولدخول  

شاطر | 
 

 في لحظة خوف .. بقلم الشاعر\ تامر النقيب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
القسم الأدبي
عضو ماسي
عضو ماسي
avatar

المهنه : القسم الأدبي
الهوايات : الأدب
انثى الابراج : الجدي
المشاركات : 227
نقاط : 675
تاريخ التسجيل : 24/01/2015
العمر : 28

مُساهمةموضوع: في لحظة خوف .. بقلم الشاعر تامر النقيب   2015-02-21, 7:21 am




فى لحظه خوف
بقــــلم تـــــــامر النقـــــــيب
ـــــــــــــــــــــــــــــــ
فى لحظه خوف
عيون مليانه بالدمعه
ومش بتشوف
وأم حزينه مهمومه
وشايله قلبها المخطوف
قامت من نومها مفزوعه
محمد قوم 
هتتأخر على دراستك
ضربو الجرس
نسيت بأنه معتقل
وسط الحرس
صرخت بصوت مدبوح
فين الامان 
فين الونس
فينك ياعدل في البلد
تجيب حقوق اللى اندهس
رفعت إيديها للسما
وقالت يارب
انصفنا من كل الخبث
انا ولدى راح 
من غير سبب ليه انحبس
سكتت شويه
وصوتها كان مخنوق
قعدت بجمب الحيط
مش عارفه إمتى تفوق
بتنادى يابنى ياحبيبى فين خدوك
مش عارفه طب فيك إيه
في بلدنا ليه ذلوك
غمو عينيك بالظلم
اخاف يقولو قتلوك
تدعي لرب السما 
ومليانه بالحرقه
عايشين بفقر وألم
وحياتنا فيها سرقه
ضربو كمان الرصاصه 
دخلت برجل أخوك
خايفه عليك ياضنايا
أحسن ف يوم يبعوك
راحت ف يوم الحكم
تسمع كلام قاضى 
ابنك ياست ليه
بعيشته مش راضى
هى البلد دى خلاص
ربيتكو ع الفاضى 
لازم ياستى تفهو 
تموتو لاجل نعيش
احنا كبار البلد
وانتم بقى الدراويش
يابنك يكون عاقل
يايكون خلاص ومفيش
بكيت وقالت خلاص
أبنى ده يطلع إيـــــه
انتو الكبار واحنا 
ولانسوى ربع جنيه
سيبونا بس نعيش
تأمر يا سيدنا البيـــــه
ضحك اللى كان حالف
إنه يكون عادل 
وقال شويه رعاع
وليكو نتجاهل
والنطق كان بالحكم
تجديد 10 أيام
والأم ف المحكمه 
تصرخ على الأحلام
يارب أنت القوى 
وقادر على الحكام
كان الولد فى القفص
واقف ويتبسم
والضحكه طعنه اوى 
بقلبك يا متحكم
وقالهم بس هقول كلمه
الظلم مابيتنصف
والحق بكرة يبان
يمكن أكون ف القفص
وعليا ميت سجان
لكن يقين بربنا 
أنى مبتش جعان
وانى كمان انسان
وبكرة جاى أكيد
يحكم بعدل الله 
ع اللى غدر وخان
وانتي كمان ياما
بس بلاش تبكى 
اهى محنه وتعدى 
والكل يوم يحكى 
إنى صغير السن
لكنى معرف خوف
بكره عيونى تكون
مفتحه وبتشوف
ولاعمرى هعرف ندم
ولا حتى لحظه خوف
ـــــــــــــــــــــــــــــــــــــــــ
بقلم الشاعر
تـــــــامر النقـــــــيب
الرجوع الى أعلى الصفحة اذهب الى الأسفل
 
في لحظة خوف .. بقلم الشاعر\ تامر النقيب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مجلة زهرة الصبار :: صالون زهرة الصبار الأدبي  :: شعر وشعراء-
انتقل الى: