(فلانه ياست الحسن..انا السلطان)
شعر\ احمد التبينى
فلانه ياست الحسن أنا
أنا السلطان
انا غنوه على لسانك
تزيل الهم والاحزان
انا لو تهتى..عنوانك
تلاقى شعرى بستانك
تلاقينى ف احساسك
وكل القافيه والاوزان
وساعة الشده انا جيشك
ومجنونك ودرويشك
خلاص مابقيتش متحمل
تنادينى:فلان يافلان
مادمت خلاص على قلبك
بقيت سلطان
فلانه ياست الحسن انا
انا السلطان
انا اللى بيسرى ف عروقك
انا غروبك..
انا شروقك..
انا لهفة هوى شوقك
فنادينى:سيدى السلطان
----
بقلم الشاعر
احمد التبينى
لا يوجد حالياً أي تعليق