2024-02-19, 12:15 pm
من طرف 
الي أمي وكل أم
......................................
ياست الكل يا أمي
يانبع الحب والطيبه
لو أوهبلك انا عمري
عمري ما يكفي ياحبيبه
.................................
يا أول كلمه في كلامي
قدرت انطقها بلساني
وانا مولود بتصرخ آه
وناسيه إلآه علشاني
......................................
موجوعه عشاني فرحانه
في عز ما هي تعبانه
بتضحك ليا حضناني
هايمه في حبي ولهانه
............................................
ياأمي لو حكينا سنين
ولو جبنا سنين تانيين
حنانك مش هيتعوض
وبعدك كلنا مساكين ..............
............................................
ربنا يخليكي لينا
ربنا يِطَوِلْ في عمرك
ياللي منك إحنا جينا
ولسا عايشين جوه قلبك
............................................
يا أجمل حب
وأطيب قلب
يامعنى الحب
يا أصدق قلب
فيكي كل شيئ يتحب
معاكي يدق اصعب قلب
.............................................
كل سنه وانتي طيبه
بندعيلك في عيدك ربنا
يارب تعيشي تاني 100سنه
وكل يوم بندعي
بكلام ظاهر ومخفي
يارب تعيشي تاني 100سنه
كل سنه وانتي طيبه
..........................................
بقلم الشاعر
عصام دويدار
لا يوجد حالياً أي تعليق