مجلة زهرة الصبار
أهلاً وسهلاً بك زائرنا الكريم
للتواصل مع مجلتنا نرجو التسجيل
يسعدنا ان تكون واحد من أسـرة المنتـدي
الإداره

مجلة متخصصة في الشعر والخواطر والفنون
 
الرئيسيةالرئيسية  الأحداثالأحداث  اليوميةاليومية  المنشوراتالمنشورات  التسجيلالتسجيل  دخولدخول  

شاطر | 
 

 كنت فاكر .بقلم الشاعر/ محمد علي النقلي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عطيات الجلاد
شاعرة
شاعرة
avatar

الهوايات : الشعر والرياضه
انثى الابراج : الدلو
المشاركات : 660
نقاط : 1836
تاريخ التسجيل : 21/08/2012
العمر : 29

مُساهمةموضوع: كنت فاكر .بقلم الشاعر/ محمد علي النقلي   2015-12-31, 4:22 pm

كُنتْ فاكر ..
كُنتْ فاكرإن اللي بينَّا .. شئ كبير
واللي جمَّع يوم مابينَّا .. عُمرْ ومصير
كُنتْ فاكرإنه حُب .. غير أى حُب
يقدر يعدي أى صعب .. وفوق كل صعب
ولا شئ هايقدر
ف يوم ويكْسَر .. حلمي الكبير
حلم و حِلمْتُّه 
من يوم ماشُفتُّه .. وانا ليه أسير
كُنتْ فاكرإن اللي بينَّا .. حاجات كتير
كُنتْ فاكرإن الزمان .. صِفي وصالحني
بعتلي قلب مليان حنان .. وبيه سامحني
كُنتْ فاكرإنه قلب .. غير أى قلب
أتاريه بيْخَلَّص مني ذنب .. بلا أى ذنب
دخل حياتي 
خدْ مني ذاتي .. من غير ضمير
وكل اللي خدتُه 
خيانتُه وقساوتُه .. وخداع كبير
كُنتْ فاكرإن اللي بينَّا .. حاجات كتير
لا كُنتْ فاكر إن حلمي .. مالوش تمنْ
أو ييجي يوم ويبقى ندمي .. هو التمنْ
ولا كُنتْ فاكر إن عيون بريئه .. ممكن تخون
وإن الخيانه بقت جريئه .. وبقالها ..عيون
عيون تسيح 
بدموع تماسيح .. وماليها نظير
وإكْمني عاشق 
باعتبرُه صادق .. من غير تفكير
لا كان تفكيري 
ده يبقى مصيري .. أو دي المقادير
لأ .. كنت فاكر إن اللي بينَّا .. حاجات كتير
بقلم
 محمدعلي النقلي
الرجوع الى أعلى الصفحة اذهب الى الأسفل
 
كنت فاكر .بقلم الشاعر/ محمد علي النقلي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مجلة زهرة الصبار :: صالون زهرة الصبار الأدبي  :: عزف الأقلام-
انتقل الى: