روقان بالي... بقلم الأديبة منى الجلاد

روقان بالي
................ 
مش هشرب قهوة بالليل 
علشان ماسهرش
ومزاجي يروق كده دايما 
ومايتعكرش
وفي حالي بقيت كده بركز 
عايشه علشاني وفي حالي
روقان بالي ده شيء غالي
ان جيت ناحيتي صدقني 
انا مابهزرش
كل اللي بيجي عليا خلاص
بعرف ألغيه ولا افكر فيه 
وأفكر ليه وانا مش كسبان
غير وجع الراس
روقان بالي بقى شيء غالي
واقعدتي مع نفسي بتحلالي
أنا برضي ضميري وده كفاية
لا انا عايزه صورة تكون في الضوء
ولا في الخلفية أكون محجوب
أنا واضحه زي وضوح الشمس
أوقات عصبيه وأوقات همس 
لكن في دماغي أنا مابهزرش
...
منى الجلاد 

[ندعوك للتسجيل في المنتدى أو التعريف بنفسك لمعاينة هذا الرابط]