بين النظرة والتانية .. بقلم زينب سالم

Noha Gamal كتب:

ما بين النظرة والتانية .. بأتمنى
تكون الجاية دي أطول
عشان في عينيك بأكون أحلى .. بأكون أقوى
وكل الدنيا دي ماتسعنيش .. وأنا جنبك
ومالي كياني بوجودك .. وأنا سامعاك
في سكوتك بتتكلم وتقصدني أنا حروفك
وأنا الفرحة دي مابتسبنيش .. وأنا شايفاك
هنا معايا بتضحكلي يقوم قلبي .. يصبرني
على بُعادك
ويسألوني حبيبِك مين؟ أقولهم أهو شاهدين !
... وأعذرهم عشان منك مفيش أتنين
***
ما بين النظرة والتانية .. كلام جوايا بيستنى
يخوني كسوفي وأقوله وعيني في عينيك
وأسمع رده جوايا قالتهولي بصراحة عينيك
فِهمني قلبك حسيته بنبضاته .. تدق معايا جوايا
تقولي كلامي اللي خبيته
ولما أيدي تيجي في ايديك .. أمسكني
وماتسبنيش أمانة عليك
يريحني هواك عطرك وينعشني .. وأنا في حضنك
وبأبقى عايزة الساعة تطول ويكمل يوم
وأطمع تاني في زيادة
عشان ليك يا عمري جوايا كل ما فيا .. وهوايا
ونفسي دا منك رايح ليك .. ويحسدوني
الناس عليك عشان منك مفيش أتنين
***
ما بين النظرة والتانية .. وأنا حاسة
ان أنا في جنة بأكون نفسي
أزعق أقول للدنيا اللي .. في نفسي
حبيب مفيش زي حبيبي .. و لا إنسان
مفيش زيك مصدقني ؟ .. ولا أحلفلك كمان وكمان
مفيش زيك ولا هيكون
يا أعظم راجل في الكون
في راحتك راحتي .. وسعادتي
وأيامي دي ملك أيديك
جنابك أؤمرني أنفذ .. بدون نقاش
بدون تفكير
من غيرك أنا ولا حاجة وبيك معاك .. أنا
أسوى كتيير
ويحسدوني !! ما يحسدوني .. ليهم حق
أعملهم أيه ؟ !

وعد العمر كتب:يسلموووو حبيبتي مروره يا قمرايه

شريف كتب:حضور رائع بكلام روووعه منوره المنتدي
ننتظر كل جديد

alfars كتب:رائع يا قمر سلمت الايادي