عارف لما تكون زهقان
قاعد وحدك كده قرفان
حاسس ان الدنيا دي ضلمه
وكاره تمشي لأي مكان
كاره كل الناس حواليك
كاره حتي الصوت في البيت
محتاج دمعه تسيل ع الخد
ميشفهاش من حواليك حد
عايز تصرخ ومفيش صوت
حتي الصرخه بطعم الموت
تدخل امك ولا ابوك
اختك تيجي وراها اخوك
ويقولوا مالك
قاعد وحدك قافل بابك
وانت ترد بصوت مكتوم
مليان حزن وكله هموم
لاء مفيش
انا تعبان
تضمك امك بكل حنان
بس تكون راسك في الحضن
تنزل كل دموع العين
ولا تعرفش جات دي منين
نهر وفاض ع الجنبين
يغسل حزن بقاله سنين
تمسح دمعك
تغسل همك
تطلع آآآآآآآآه م القلب قويه
كانت قاسيه عليك وعصيه
تقولك قوم اتوضا حبيبي
وسلم امرك
علي سجاده وادعي لربك
هيشيل همك
انا دلوقتي قاعد زهقان
هرب النوم وقاعد قرفان
وانت كمان
حاسس بيا
بس الفرق بين الاتنين
اني لوحدي ومفيش ام
عايش جوه بيوت الهم
في غربه تغم
samir