2024-02-19, 12:15 pm
من طرف 
علمونا ان الحب
مزيج من جنه ونار
اتنين عاشقين
بيتقابلوا في نهار
نظره عابره
او كلمه في حوار
الحب حلو بس
حلوه فيه مرار
علمونا ان الحب
في زمنا انتحار
الحب مش كلمه
تقوليها والسلام
الحب احساس
بيجمعنا مش كلام
الحب وثيقه نكتبها
بالمحبه والوئام
الحب بيت وحلم
يجمعنا ع الدوام
الحب رحلة عمر
بين اتنين عاشقين
ايد في ايد اتشابكوا
بحب وبكل الحنين
الحب عيون تنام
والجفون سهرانين
الحب بسمة أمل
في قلوب المحرومين
الحب انتي وانا
علي الدرب سرنا
جسدين في قلب واحد
اتوحدنا وكنا
عصفورين في سماء الحب
حلقنا وطرنا
طفلين نلهو مع الفراشات
والبراءة فينا ومنا
الحب عيون تنام
في عيون حبيبها
في ابتسامة ثغر
أو لمسه تداعبها
او في لحظة عتاب
بالحب تصحابها
الحب شمس وقمر
والنجوم بتلاعبها
الحب رحله جميله
في بحر احلامي
فيها مركبي راسي
علي شطك
وانتي قبطاني
الحب موجه
بتجري ورا موجه
تحضنها
تضمها بشوق
قبل ما توصل لشط
يهملها
الحب قدر مكتوب
علي قلبين
جمعهم يوم الهوي
وكانوا حبيبين
الحب كلمه جميله
للي يفهمها
الحب انتي حياتي
وكل سكانها
الحب !!!!!!!
