2024-02-19, 12:15 pm
من طرف 
نفسي اسألكِ
ليه الدلال بيْحقِّلِكِ
تروح وتبعد
تهجر وتعند
ولما تيجي تفتكرْ
ترجع سنيني تتولدْ
نفسي اسألِك
في كلّ مرة أبعدك
ليه قلبي ليه بيْحنِّلِك
نفسي اسألك
ليه حبّكِ أنتي
فيَّ شعلة من جنون
تزرعي مِنه حنيني
تنبت الصرخة سكون
زي ضي الفجر لمّا
يهدي للعتمة العيون
نفسي اسألك
لما أجيلك واندهك
ليه العناد بيرقلك
نفسي اسألك
وانتي ف قلبي ميت سؤال
اللي جوابهم شيء محال
من أمتى كان الحب ضعف
ولا شموع العشق حرف
أو وردتي في الهجر جف
نفسي اسألك
ليه قلبي يسبق خطوتك
لما عيوني تحضنك
