2024-02-19, 12:15 pm
من طرف 
مش مهم تكون عيونك
لونها اخضر
مش مهم يكون جمالك
زى بدر الكون منور
الاهم انك يا غاليه
فيكى شىء تانى شاغلنى
غير عبيرك
غير حنان عمرى ما شوفته ف حد غيرك
شىء واخدنى غصب عنى
يحتوينى
يزرع الاحلام ف دربى
يمسح الدمعات ف عينى
يحتوى خوف جوه نبضى
يفرش الفرحه ف سنينى
صدقينى
بصى جوه حروف كلامك
هتلاقينى
متخافيش لو حد لامك
بصى اكتر
هتلاقيكى جوه منى
كل معنى بيه بعبّر
كل آهه من حنينى
اسمعينى
هتلاقينى ف قلب صوتك
جوه احزانك...... سكوتك
ويّا فرحك
ويا غضبك
حتى خوفك
هتلاقيكى وهتلاقينى
يبقى حقى لما بلسانك اغنى
أو اقولك.....
إنك انتى حته منى
أيوه انتى حته منى
