2024-02-19, 12:15 pm
من طرف 
هيه سعادتي ايه من غيرك
مانتي وليفي
وبرضه انا طيرك
تمر سنين
وتعدي سنين
حبك لسه فقلبي جنين
الناس شاهدين
الناس عارفين
انا من غيرك ببقى حزين
زي الطير من غير جناحين
زي الطفل من غير أم
حالته تغم
هم ف هم
تايه وسط اوض البيت
راكبه ميت مليون عفريت
انا كده زيه لما تغيبي
ايدي تتوه عن فتحة جيبي
وافضل واقف انادي عليكي
وإن رديتي
تردي فقلبي تاني النبض
اصل وجودك زي الفرض
زي خطوط الطول والعرض
مانتي سمايا .... وانتي الارض
واما وداني تسمع صوتك
اضمه فحضني وافضل ابوسك
عمرك شفتي حد يبوس الصوت
صوتك زي الحيا والموت
بخده فحضني وادخل انام
واستناكي فالاحلام
وإن مجتيش
بصحى الصبح
مش لاقي كلام
رافض اقول للدنيا سلام
مانتي سعادتي
وانتي وجودي
وردة عمري ... وكل حدودي
فرحي وحزني
شمسي وقمري
بس غيابك طال يا حبيبتي
امتى لحضني تاني تعودي
samir
