2024-02-19, 12:15 pm
من طرف عمود نور وسط الميدان
واقف مكسور من الاحزان
مستنى دوره يطفى نوره
بستان زهوره مات من زمان
__ _ _ _ _
عمود نور فوق الضباب
بيضحك لغيره وحياته عذاب
تملى ساكت بيسمع وعود
تشوفها حقيقة وتطلع سراب_
_
عمود نور حضن قلبين
يوماتى عنده متقابلين
فرحان لانه
شاف حب طاهر
برعاية الشوق والحنين
_ _ _ _
عمود نور عز الشتا
سهران وبيلبى الندا
غرقان ف احضان المطر
متونس بانغام الشجر
ولهان وف عيونه السهر
والجفون متنهده
حياتنا ساقية وطنبور
بنلف جواها وندور
والزمن واقف يتفرج
كما_ _ _ عمود النور
بقلم الشاعر \ محمد سعيد
#بيبو9و9و
14_2_2015
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق