2024-02-19, 12:15 pm
من طرف صرخة يتيم(القصيدة الحائزة على المركز الاول عاميه)
--------------
بقلم الشاعر /احمد محمدابراهيم
من جمهورية مصر العربيه
مسابقة همس القلوب
شعر العاميه
---------------
صرخة يتم
---------------
مين فينا يو م طبطب وقال انه يتيم
محتاج يعيش وسط البشر ويكون كريم
محتاج ايدين تمسح دموعه الغرقانين
على شعر راسه يمسحه
ويرسمه بسمه ف عين تعبانين
مين فينا مين طبطب وقال انه يتيم
---------------------------------------
مجروح وعايش دنيته وف عينه سكنه دمعته
مكسوره ضحكه ع الشفايف
من يوم ميلاده انطفى ضؤ شمعته
اغلى الحبايب راحو سابه دنيته
كان اب عايش يحضنه ويعلمه ويكلمه
وامه ترسم ضحكته بتضمه ليها وتحضنه
-----------------------------------------------
راحو الحبايب كلهم مباقش خلاص غير الدموع
مباقش خلاص غير الالم مسكون بيكبر فى الضلوع
صرخ اليتيم صرخة الم من ده الزمن موجوع
لما اليتيم ملاقاش لقمه تسد جوع
------------------------------------------------
والكل عنه بيبعدو عن سكته مشلوله فيه خطوته
صرخ اليتيم بيعيش غريب عن دنيته وف بسمته
مرار بيحكى مالى حزنه وغنوته فينك يا ابويه
فينك يا امى القلب مكسور
والدموع نزلت بحور على هدمته
ولا حد سمعه م البشر ولا حتى دنيا سمعته
-----------------------------------------------------------------
بقلم الشاعر
احمد ابراهيم
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق