2024-02-19, 12:15 pm
من طرف وأسرار قلم
على كف العاشق برهان
ووشم الحب له بصمه
على صخر جبل صوان
راسم قلب على شجره
امل يعيش بمية شريان
وغصن فروعه فيه خضره
ونسمه تحاوطه من الاركان
برد و ثلج فى حبيبه
فى عز النار
وانا العاشق وليكى ولهان
ومن نفسى اقول كلمه
بلون ابيض غير الالوان
نفسى اشوف البسمه ظاهره
فى عنيكى فى كل نظره
نفسى اشوفك مثل زهره
تاجها منسوج من كيانى
مش كلام فى شعر بكتب
او صوره شكل فى خيالى
ولو يراود نفسى شك
بلسانى كنت اصارحك
رقتك شدتنى شد
ومن كلامك ليا مد
حبل بيه للقلب رابط
حبى ليكى لحنانك
والحنين لحروف كلامك
نار فى قلبى بغيابك
كيف دخلتى جوه قلبى
رغم روحى على بابك
والامل انى اشوفك
او اشوف حتى ثرابك
من ازاز برواز مربع
صنعوه مخصوص لبابك
وامتلكت الود منك
وبرضاكى وكل خاطرك
وراودنى الشك عنك
لحظه ممكن تتركينى
وتتركى الحزن لقلبى
والدموع تذرفها عينى
وساعات الحزن صعبه
مين يا نسمة حب حلوه
هيوسينى
خوفى من يوم تتركينى
ومنايا تطمنينى بدون ايمان
و انا مصدق ولو فى عنيكى بنظره
بدون الكف وخطوطه ولا الفنجان
مابين الجفن والننى الطريق هيبان
ملاك فى ثوب ادميه
وطبع الحسن فى عنيكى
يقول ان انتى جنيه
هناجى الرب واطالبه
تكون الماسه دى ليا
ملاك ولا انتى جنيه
يا زهره عبيرها فج وبان
وضى البدر ضحكتها
وصفين لولى كما الاسنان
فى عينك بغزل اشعارى
ونسيج الحب غزله حنان
كاتب فى العشق قصيده
حروف و سطور بجمر و نار
تزلزل قلب لو من صخر
على كف العاشق برهان
وانا العاشق وليكى ولهان
-----
بقلم الشاعر
محمد البلاط
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق