2024-02-19, 12:15 pm
من طرف 
دخلت بستان الحياة
لأجل أقطف منه زهرة
زهرة تكون مش روز
وما تكونش برضه حمرا
بين البينين يعنى
لاروز ولا حمرا
وان كان لابد مفيش
ما يضرش تكون صفرا
-----
أتارى بستان الحياة
مش زى باقى البساتين
لكن بعيد عنك
ده كله زفت وطين
-----
كله أحزان...كله مآسى
........كله ألم
كله خيانة ....وناس جبانة
.......كله عدم
كله طمع...كله جشع
......كله نهم
كله معاصى بنرتكبها
.....كله ندم
كله كفر وزندقة
وذنوب كتير متلتلة
------
اياك تصدق
ان ده بستان
لأ.....ياصاحبى
ده سيرك م النوع الكبير
الوحوش فيه م البشر
والمهرج والأراجوز
برضه من جنس البشر
لا يوجد حالياً أي تعليق