2024-02-19, 12:15 pm
من طرف من غير دموع
..........
من غير دموع ؟
طب قولي ليه ..
عايزاني أعيش
الجرح
وأتعود عليه
خليها مرة تعدي
مهما تألمك ..
ماأهي كل
حاجة مابيننا
حلوة بقت تفوت ..
ودموعي لو
تاني في عينيا
حبستها ..
يمكن أموت
..........
بتقولي ضعف ؟
طب إيه
إللي فية
ماعادش ضعف ..
لا القلب هوه
القلب دا ..
ولاحالتي دي
محتاجة وصف
أنا ليه بحبك
كل دا ؟
وبتوحشيني كتير
كدا ..
ودقيقة واحدة
معاكي
عندي بألف ألف
..........
ماكتير بيتفارقوا
تقابلهم
زينا.. نفس
الظروف ..
مابيوصلوش
إلا إحنا فيه
أو يفضلوا ..
في عذاب
وخوف
ولاتنسى يوم
الدنيا
بينهم نفسها ..
ياحبيبتي مش
قادر
أقولها
كفاية إني بحسها ..
الآهة بين
إتنين بتكبر ..
وفي عينيهم
جرحها
دمعة حبيبها
بتكوي فيها
حاجات كتير ..
ودموعها هية
بتصحى بس
في قلبها
ليه الحنان
في عينيكي
مابقاش الحنان
ليه الأمان
في عينيا
مش قادر
يشوف
ماأهي كل حاجة
مابيننا حلوة
بقت تفوت ..
ودموعي لو
تاني في عينيا
حبستها ..
يمكن أموت
..........
لسة برضه مش عايزاني أبكي ..لسة شايفة إن دا ضعف ؟ طب أمال حعيش الجرح من بعدك..بإيه
بقلم الشاعر
محمدعبدالرحيم
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق