2024-02-19, 12:15 pm
من طرف طعم الفراق
..........
غايمة البيوت
حوالية
فين دارك ..
ولا ألف ليلة
ويمكن أكتر ..
وإنتي وحشاني
سامعاني؟
عارف ..قلبي
حس ..
شايفاني ..
قولي دا كل
دقة بينكوي
بنارك
..........
غايمة الصور ..
وآديني بعد
الفرقة مش
شايف ..
ما أكنش برضه
بموت ..
وأنا لسة مش
عارف؟
بس إللي قادر
أعرفه إنك بقيتي
بعيد ..
وإني ببعد عني
مني ..
والجرح دا ..
مابقاش جديد
..........
آه م الألم ..
نساني نفسي
معاكي ليه ..
لكن الندم
أنا كنت متعود
عليه
جيتلك أنا
من قد إيه
وبعد إيه؟
وحكالي قلبك ..
ع اللي متخبي
كام آهة
طلعت .. وإنتي
مش جنبي ..
كام صرخة
بكتمها كدا ..
وترد في قلبي
..........
طعم الفراق
المرة دي
حسيته متغير ..
من دمعة عدت
ياأم قلب أخضر
وعمر أصغر ..
ولاجربتش سماح
إبكي عليكي
بدمعك إنتي ..
أنا دمعي راح
وإرتاح
وإروي بدموعك ..
قلب عطشان
للبكا ..
حتى إن ماقصر
بيننا ليل ..
أو شيئ هيتغير
............
والله لأبكي عليكي في كل ليل ونهار ..مع إن دموعي خلصت ومش باقي غير دمي.. ما أنا لوكنت رحلت قبلك..كنتي أكيد هيحصلك زي إللي دلوقت بيحصللي
بقلم/
محمدعبدالرحيم
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق