2024-02-19, 12:15 pm
من طرف بقلمى يوسف ونيس مجلع – ايطاليا بريشيا
اصدقائى الاحباء كلمة بالعامية بعنوان حبى مش معقول
تسهرنى ياليل وطول ------------ تقسى ومهما قسيت
لا ارحمنى راح اقول ---------- ولا قلبى هيقول مليت
دا حبى مش معقول --------------- جنة وفيها اتنسيت
-------------------------------------------------------------
بحر الهوى يا كبير ---------------- هواك للقلب غية
مهما كنت خطير ------------------- واساك لعب بية
حبى اكبر بكتير ------------------- منك ومن الاسية
-------------------------------------------------------------
يا نار الفراق تشقينى --- وتسهرى الاشواق فى عينى
مهما لهيبك يكوينى ------------ مش هترجا ترحمينى
دا حبى هنا مهنينى ------------- مهما الضنا يضنينى
------------------------------------------------------------
يا نجوم السما دية ---------------- لوغبتى من لياليا
وغيبتى قمرى عليا ------------- وذودتى الجوى بيا
وعديتك فى الظهرية -------------- حبى اكتر شوية
------------------------------------------------------------
يا عذاب لو هان تعذيبى ----- وشفتك الوان فى حبى
وذاد الحرمان نحيبى --------- هدارى الهوان واخبى
مدام علشان حبيبى ------------ تبقى حنان على قلبى
بقلمى
يوسف ونيس مجلع
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق