2024-02-19, 12:15 pm
من طرف الشاعر المصري / احمد ابراهيم
****************************
فى قصيدة / ( اتكلمي )
*******************
اتكلمي الصمت طال والفجر
خان ضوء النهار اتكلمي
الوقت ضاع مين اللى باع
كسر الشراع غرقانه
وحدك تصرخي
صوت الاذان مجروح بيبكي فى كلمتك
فوق الحيطان مبلوله فيها دمعتك
حبة كلام بحروف الالام
والليل مغيّم ع البيبان
مطفية فيها شمعتك
مين اللى حبك قولى مين اتكلمي
مين اللى باع وليكى خان اتكلمي
صعب الطريق بين الحريق
مسجونه فيا خطوتك اتكلمي
قبل ما تدبل بسمتك
والغصن يدبل والورق
وتنطوي صفحتك اتكلمي
اخرجي عن صمت حزنك واكتبي
اسم اللى خان ع الحيطان وانقشي
اسم اللى حبك واللى عاش يكتبك
واكتبيني وانفشي اسمي ارسمينى
انى واحد بعشقك
اتكلمي اصرخي ده الحلم واقف مطرحي
والجرح ساكن كل الاماكن
امتى حبيبتى هايجي يوم وهتفرحي
طال الزمن يا حبيبتى لسه بتصرخي تتألمي
بين الشوارع والمدن مكسيه فيكى دمعتك
متقيدة الخطوة فيها صرختك
سمعك حبيبتى وانتى عاليه بصرختك
ياريت بأيدي كنت امسح الف دمعه واحضنك
بس اللى خان قافل بيبان
الفرح فيكي وازاي يا حبيبتى
ازاي اعيش باقى الزمن واسعدك
متكتفه ايدي البريئه
مقفوله بيا الف باب م البيبان
مسجون ف حلم جدار وعالى م الحيطان
اسف حبيبتى لا يوم هكون
فارس يعدي بالخيال
ولا يوم بأيدي هعلي ع الجبال
مربوطه ايدي بالحبال
اه ه ه ه ه ه ه ه ه ه ه ه ه ه ه ه ه ه ه ه
مسجون وعايش بين حياة مكسيه موت
وانا قلبي نبضه خلاص مقرّب ع السكوت
والصوت بيصرخ بس اوشك ع الخفوت
والليل وساكن ع المباني ع الشوارع ع البيوت
والجرح واجع حلم عابر ع الحيطان
والفجر خان ضؤ ا لنهار
متغربة فيكى الشروق متأفله بيكي البيبان
اتكلمي
**************************************
الشاعر المصري /احمد ابراهيم
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق