2024-02-19, 12:15 pm
من طرف المكسور .. مجبور
وأهي لسَّه الشمس بتطّلع ... والدُنيا ماليها النور
والقمر أهو لسَّه بيسطّع ... ونجوم السما بتدور
لا الشتا يوم فارقُّه البرد
والربيع ماخاصمش الورد
والكون لسَّه ف دوران ..
وأدي صيف وخريف ف حضور
لا غيابك يوم دوبني .. وأنا أهو باعشق من تاني
ولا تُهت ف بُعدَك عني .. لأ.. لسَّه فيها أغاني
لا السما نزلت عالأرض
ولا قلبي بطّل نبض
وبيعشق عشق الولهان .. وراح يمّلا منُه بحور
الحلم اللي انا عشت عشانُه .. بقى ماضي خلاص ودعتُه
لمَّا قلبك وعنيك خانوا .. وبإيديك دوستُه وضيعتُه
صدقني باقولها بجدْ
ماحدش بيعيش على حدْ
و زيّ ماقالوا زمان ... كل المكسور .. مجبوووووور
أشعار
محمدعلي النقلي
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق