2024-02-19, 12:15 pm
من طرف للدرجادي الإنسان بقي رخيص ......
...............................................................
للدرجادي الإنسان بقي رخيص
للدرجادي الإحساس بقي مفيش
والبني ادمين خلاص وحوش
وقيمة الأنسان بقت متساويش
الفقير بقي حثاله ياكل من الزباله
ينام علي الرصيف شيء عادي
منظر صعب بشوفة في بلادي
الصورة مابتكدبش
وأقوي من أي كلام
معانيها مبترحمش
بتنطق جوع وألام
ناس بتاكل الزباله
وناس الجوع بياكلها
وناس عايشه عاله
وناس في حالـــها
فين يا ناس العداله
وإلانسانيه ليه كلام
الفقرا مش حثــاله
دول بني أدمين كرام
ولازم توصل الرساله
لكل الملوك والحكام
يا ناس إبحثوا حالة
اللي من الجوع نــام
واللي من البرد مات
واللي المرض فيه دام
واللي عزته السكات
واللي كان عزيز وإتذل
واللي مش لاقي عمـــل
واللي داير في الشوارع
وجواه الهموم بتتصارع
وفجأه يطب .... مات
اللي جوايا مالهش نهايه
بس الحقيقه كلها حكايات
حق البشر مش ح يروح
إنسان له حق في الحياه
ليه يعيش حزين مذبوح
عشان معدوم الجــــــاه
الدنيا مهما تدوم زفـــــرة
والراحه في نعيم الآخره
الفقير إنسان له حـــــق
علي كل راع طلب الملك
.............................................................
............... إحساس/ حســن الشــوان ................
..................... 25/ يناير / 2016 ..
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق