2024-02-19, 12:15 pm
من طرف الاهلى يكسب،،،
غزلنى ولا تشوط يا حبيب
على مهلك بشويش يا مريب
وكفايه انا تعبت خلاص منك
ده مش معقول يا رهيب،،،،،
انا كل كورى بقت منك بره
وكورك دايما فى شباكى بتصيب،،،
انا عمرى ما كنت فى حرفنتك
ولا كنت تريكه فى الحاضر
ولا فى الماضى خطيب،،،،
انا اخرى بحب و بشجع
مجنون متعصب فى مدرج
وساعه ما ييهتفوا اهلى
يهتف قلبى ويحبك ويقول بب بيب،،،
بتحرك بالنبض وبدافع واعمل
فيك احسن خططى
والفوز ده مقدر ونصيب،،،،
انا قلبى بلاعب واحد
وانت كلك على بعضك الاعيب،،،،،،،
هدفك بالرمش جرحنى
وحارس من عينك فاشل
مقدرش اصد ومش عيب،،،،،،
كل ما افكر اشرب منك كاس
ادوخ وارجع تانى اخيب،،،،
تحاورنى وتطير منى فى رقه
زى فراشه جميلة عجيب،،،،،؟
تحايلنى وتداعب عطرى تحت جناحك
وتهمس تسرق لونى غريب،،،،،
فى ملاعبك لما اجى اهاجمك اتكسر
ولا ينزل يداوينى طبيب،،،،
فيك عند لما تحط فى يوم عل الابيض
ترعبه من الخوف وتخلى راسه تشيب،،،
او يرجع نونو من تانى يعيط
وتحايله بملبس وبسكوت وحليب،،،،
انا اصلى صعيدى يا بوى ترقصلى
اقسم وسطك والعبلك تحطيب،،،،
ولما ينهى الحكم ويصفر واكون فزت
تمشى تجر فى وسطك منى
تشكى وتتقلب تقليب ،،،،،
درس وتتعلم منه ان هدفى
لما ييجى طبيعى فى قلعه
من فارس له فرحه جميلة
غير هدف الانابيب،،،،
بقلم مراد مصطفى مراد
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق