المحكمه بدأت
والشعب كان مطقطق ودانه
عوز يسمع حكم عادل
يهدي ناره ويشفي اوجاعه
والقاضي ابتدها بكلام حلو وجميل
بمدح في شعب مصر
واهو كلو كلام جميل
وبنطق الحكم ده كان
اكبر دليل
ان في غلط واحنا لسه
في سواد الليل
يا قاضي ارضي ربك
ازاي بتقول معندوش فساد مالي
ده هو اللي ناهب مصر
والكل عارف وداري
هات اصغر عيل في الحاره
هيقولك دايق المراره
احلامهم شبه منهاره
ولما الضوء ابتدي يظهر
نزلت انت الستاره
يا قاضي ده هو علي بابا
واعوانه هم العصابه
والشعب والله الغلابه
اعوانه خلتهم احرار
والشعب كانه انضرب بالنار
بيعيد اللي حصل وصار
وام الشهيد دايقه المرار
برائته ليه من الفساد المالي
امال المال المتهرب ما تقولي ده ايه
حوافز واوفر تايم
والا متقولي ده ايه
عارف لو انا اللي هحكم
هحكم بالاعدام في الميدان
علشان يبقي عبره للي يجي بعده
احلام المساء