2024-09-26, 9:48 am
من طرف ابويا بطل
-------------
على فين يا ابويا
يا سندى وأخويا
كفايا غربة
ودموعي اللي جافة
عاوزاك حدايا
في بردى وشتايا
وسحابة حنان
في صيفي اللي نار
وحياتى ماتمشي
عاوزة في ايدك امشي
واروح الملاهي
زي جارنا هانى
بنتى حبيبتى
انتى في قلبي مدينتى
بس انا رايح احميكي
علشان مستقبل ليكي
مصر امانة بتنده تعالى
وابوكى جندى
صاين عرضي وارضي
وسايبك امانة
في حضن بلدى
اللي لمة عيلتي
خايفة يا ابويا
ده عم محمد كان مجند
وعم مينا في الحارة اللي جنبينا
قتلوهم الاعادى
ماتخافيش يابنتى
يوم شهادتى
امانة عليكي
اشوف ابتسامتك
ماينزل دمعك
دا انتى بنت البطل
وتبقى جندية
شديدة وقوية
شايلة سلاحي
بتدافعي عن بلادى
ونشيدك حياتى
بلادى بلادى
لك حبي وفؤادى
-----------------------
بقلم
ايمان محمود
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق