2024-02-19, 12:15 pm
من طرف 
الحلوه ع الشط ماشيه
رابطه جدايلها
ضي القمر ساطع
من نور قناديلها
النجم في ظلها
ماشي يحايلها
البدر من حسنها
حالف يقابلها
والورد فتح عيونه
وقام يناديلها
سنين بحايل فيها
عشان اقابلها
سدت عليا الطريق
وعقدتلي منديلها
وحلفت تقول لابويا
لو يوم اغازلها
اشكي لمين لوعتي
ولا اشكيلها
رحت لشيخ وكاهن
من سحره يسحرها
قالي يا مسكين
روح دور علي غيرها
البت دي يا واد
الرب صاينها
لو كنت طالب ودها
اركب وعدلها
كل البحور والمدن
وعلي بابها غنيلها
يا ام العيون السود
واجمل مواويلها
وقول يا ليل يا عين
تتفك ضفايرها
وتجني حبال ودها
وتقدر تقابلها
تعيش معاها الهنا
والعمر تدعيلها
في كل فرض وصلاة
وحجه تعملها
لأم الجدايل سود
وعيون ما اجملها
samir
