2024-02-19, 12:15 pm
من طرف 
تسأليني بحبك ولا لاء
اسألي القلب اللي دق
يوم عشانك
مش عشان بس جمالك
والا رقة حضرتك
وطلتك
وحلاوة ابتسامك
كل ده مش مهم
الاهم
إنك انتي صوره مني
لما اتعب تحضنيني وتبعدي الهم عني
تسهري الليل تهدهديني وتقعدي جمبي تغني
ولما اغلط تصرخي وتزعقيلي
بس بعد شويه ترجعي تاني تراضيني
وتبوسيني
وتقوليلي
مش عارفه ليه معرفش اقسى
ولما اجي اعتذرلك
تقوليلي انسى
انتا مش بس حبيبي
وقسمتي وكل نصيبي
انتا طفلي اللي حلمت بيه
كنت بدعي ربنا يوم ألاقيه
واعيش معاه العمر كله
وبأسمه اناديه
يا حبيبتي للأسف
النهارده كل شيء بينا ضاع
وانكتب على حبنا كلمة وداع
مقدرش اقول مين السبب
ومين فينا باع
انا جاي النهارده اقدملك اعتذار
وأعترف إني سبب كل الضياع
وبدعي ليكي ربنا في كل صلاة
تعيشي العمر كله وتنولي رضاه
samir
