زعلانه مني انتي ليه
انا عملت تاني ايه
ان كان علي شعر كتبته
ولا قلب عاشق حاسبته
حبيت اقوله وجيت عاتبته
متزعليش
يا بت انا منك بعيش
من قبلك انتي قلبي مفيش
عايش لوحدي وغيرك مليش
زعلانه روحي هاتي الشاويش
يحبسني حبس مينتهيش
بس انتي يوم متخصمنيش
علشان خاطري متزعليش
الشعر ده عندي مشاعر
ويقولوا عني فاهم وشاعر
منين بس تيجي المشاعر
وحبيبي زعلان ومكلمنيش
علشان خاطري متزعليش
بحب اسهر ليلي معاكي
احضن سنين عمر هواكي
انام واصحي علي سماكي
خايف ليكون ربي بلاكي
بحبي ليكي فمتزعليش
تعالي هاتي ايدك في ايدي
اوصلي من نبضك وريدي
واحضني حب وليدي
انتي الدوا وانتي مريضي
والشافي ربي فمتزعليش
سبيني اعيش مره احب
ولا قلبي مش برضه قلب
حتي لو كان وهم وكدب
برضه بحبك فمتزعليش
الشمس لو طلعت بليلي
والقمر نام جوه عيني
والنجوم جم ضربوني
وقالوا اوعي يوم تحب
حبيتك انتي فمتزعليش
عارف انه صعب نتقابل
ياستي انا برضه قابل
حتي لو حب ملوش مقابل
سبيني احبك ومتزعليش
مين اللي قال عايزك تحبي
الذنب مش ذنبك ده ذنبي
خليكي حره
ومتحبنيش
علشان خاطري متزعليش
samir