وتاه اليوم مع امبارح
وفكري في الهوى سارح
وفاكر انسى حب كبير
في بستان الامل طارح
جناين فل مع ياسمين
وشوك الورد كان جارح
واحب الجرح لو منك
دوا جرحي في هواك رايح
لدنيا كنا فيها اتنين
كتبنا كلام بلون فاتح
على زهره
على شجره
على طير في الفضا سابح
مع نسمه هوا شارده
تخدنا لارض احبابنا
وذكرى جميله تسبقنا
نعيش فيها أنا وأنتي
في عالم وحده كان ملكي
وضاع اليوم وضيعنا
امل في بكره يجمعنا
ويمسح كل خطاوينا
ينام الفجر في عنينا
ونصحى معانا احلامنا
لقينا كل غناوينا
سراب وخيال
رحلنا وشطنا خاوي
بلا احلام و اماني
وجفت كل قناوينا
ومات الدمع في عيونا
مفيش موجه بتحضنا
وغرقت كل مراكبنا
في دوامه بتجذبنا
تغرقنا وتسيبنا
نتوه في ظلمة النسيان
انا عايش في اوهامي
في رحلة هم تهواني
تعذبني
تشردني
تخدني لدنيا تنساني
تغلبني
تنزل دمعه من عيني
ترجعلي من تاني
سواد ثوب احزاني
تفكرني
تذكرني
بماضي مات بوجداني
samir