مصر ليه في قلوبنا ماتت
كل حبال الود فيها سابت
واللي ثابت
إننا بعنا ترابها
وأتقسم اليوم شبابها
بين مؤيد
وبين معارض
وكله عارض
كله بايع
كله ضايع
كله صوته عالي ومحد سامع
والمدامع
نزله على كل قتيل
والقتل بقى هوه السبيل
زي قصة اخونا هابيل
ويا قابيل
والمستحيل
إن مصري يرمي مصري
من سطح بيت ويرضي مرسي
يرضي كرسي
فأي دين يا مرضى الجزام
دحنا دينا دين محبه
دين سلام
محمد نبينا للبشر رسول السلام
رسول المحبه والوئام
وأنتوا دينكم دين كلام
دين بينخر ف العقول
زي سوس بينخر العظام
اسلمنا علمنا السماحه
مش الوقاحه
اسلمنا علمنا الاحترام
علمنا الالتزام
علمنا قتل المسلم للمسلم حرام
ملعون ابوها دي سياسة
دي نجاسه
لما تشيل سلاح لاخوك
وتقتله برصاصه
لاء وايه وبكل حماسه
ده اخوك
اللي كان معاك في نفس المدرسه
اللي جنبك في المدرج وانتم في كلية هندسة
اللي ساكن معاك في نفس العماره
النهارده بتضربه أنت بحجاره
عشان مين كل ده
عشان شوية ساسة وخدنها تجارة
وخدنها شطاره
اصحى يا كل مصري
حدد طريقك واختار سكتك
قبل ما تخسر حياتك
ومعاها آخرتك
اشتري رضا ربك
ونعيم جنتك
العن ابو الشيطان
وعيد من تاني حسبتك
تلقى القلوب صافيه
وترجعلك بسمتك
samir