2024-02-19, 12:15 pm
من طرف 
بنت وولد
..........
الدمعة دى
عدت منين..
جت من عينيا
او عينيكى
لاهوه لسة فيه دموع..
لجرح فية
وجرح فيكى
ولا القلوب صبحت
عيون..
وتكون دى دمعة
قلبنا
...........
من يوم مافات
حلم الصبا..
بنت وولد مدوا الإيدين
يانجمتين
متشوقين وعطشانين
انا فيكوا عشت
الدنيا فاتحة قلبها..
والجنة للى يضمها
الدنيا كانت
يوم ولد..
والجنة كانت مرة
بنت
وبقينا مين..
اتنين تالتنا فرحنا
ياضحكتين..
فى كل عين
إنتى وانا..
إنتى وانا
...........
وقلوبنا يللى مفتحة..
ليه تكسرك
منا الحياه..
وقفنا آه..حاولنا آه
وفى دمنا حلم النهار
قلبى عليكى
ياطيبة..
اوقات ماكان قلبك
هبة..
ايام ماكانت تلتقى..
يدك ودمعى
جليد ونار
وبقينا مين..
اتنين تالتنا جرحنا..
ووصلنا فين..
قلبك هناك..قلبى هنا
والدمعة دى
عدت منين..
عدت منين..
عدت منين
............
الدمعة للأسف ..هدمت حلم الولد والبنت..وكانوا لسة بيبدئوا حلمهم ..ولفت بيهم الدنيا كتير..واتقابلوا تانى ..بس للأسف ..مابقاش هوه نفس الولد..ولاهية بقت ..نفس البنت..
( دنيا غريبة بتدور بينا ياحبيبى على موجة شوق..بتضمنا وبتلعب بينا ياحبيبى وتاخدنا لفوق..ونقابل حلمنا بالأحضان..بعد زماننا مايفوت بزمان..ياخسارة لما الدنيا تفوت..والحلم يضيع..وياها كمان..ونفارق بعض تانى..ونفارق بعض تانى
محمدعبدالرحيم
لا يوجد حالياً أي تعليق