2024-02-19, 12:15 pm
من طرف 
همسح دموعك(اهداء لحببتى مصر)
========
بقلم الشاعر/احمد ابراهيم
================
هجر الربيع مليون حكايه
فى بسمتك
طال الظلام بسوادة
كاسى ضحكتك
مليون قصيدة بتحكى
حبى عشقتك
مين اللى جاب لون الخريف
على فرحتك
مين اللى عاش فى هواكى مين
يا حببتى مين موتك
انا كنت بغزل ليكى
دايما طرحتك
انا كنت شمعه ليكى
قيدة بطلعتك
انا كنت لحن جميل
مكمل غنوتك
لما الجراح حوليكى ديرة بتملكك
لما الدموع فوق خدودك بلآلم
و بتعلى فيكى صرختك
انا لسه فيكى حببتى
هحكى ووصفك
مليون قصيدة بعمرى
ليكى هكتبك
هنطق نشيدك يا بلادى بعشقك
وف ايدى علمك فوق مرفرف
فى السما وف قلبى دايما بحضنك
مصر العروبه ام العرب
نبض العرب قلب العرب حنيتك
موطنى ارض العروبه والكرم
وبايدى همسح دمعتك
===================
بقلم الشاعر/احمدابراهيم
لا يوجد حالياً أي تعليق