2024-02-19, 12:15 pm
.gif "Pink")
من طرف [ندعوك للتسجيل في المنتدى أو التعريف بنفسك لمعاينة هذا الرابط]
زي الربيع ما يهل .. زي القمر مايطل
زي الندى ما يرد الروح .. الدنيا تضحك ورد وفل
هليت يا روح الروح .. رديت في قلبي الروح
زي الربيع .. زي الندى .. زي الحياة
---
ياما قالولي في الهوى حكايات
وسمعته في المواويل وفي الروايات
وابات وانا قلبي ذايب .. شايل هموم الحبايب
واقول لقلبي يا قلبي نسأل عن الحب ليه ؟
ان كان ذا حال اللي حبوا احنا هايجرالنا ايه ؟
وانا لسه بكلم قلبي .. بصيت ولقيتك جنبي !
من غير تفكير رديت .. لما لقيتك هليت
---
الله يجازي اللي قالوا .. عن الهوى وعن عذابه
سنين طويله بيحكوا .. عن اللي دابوا ما تابوا
ورسموا صورة حزينه .. للحب قدام عينينا
خلونا عايشين سنين .. بنغني موال حزين
وفي عز فرحتنا نشكي .. ونقول يا ليل ..
والحب هوا الحياة .. هوا دليل اللي تاه
ومهما طول غيابه .. القلب يستناه
انا قلبي كان طاير بألف جناح
بيلف ويدور مساه وصباح ..
كان ليله من غير قمر
ونهاره سكة سفر ..
والرحله طالت بيه .. وفين يرتاح
ويغني للدنيا تسمع
ويغني للشمس تطلع
وينادي للحب يرجع
يرجع اللي راح ..
وفي يوم من غير مواعيد .. اجمل من يوم العيد
بصيت ولقيتك جنبي .. نورك بينور قلبي
وسمعتك لما ناديت
من غير تفكير رديت
لما لقيتك هليت ..
كلمات:
عبدالسلام امين
