مجلة زهرة الصبار
أهلاً وسهلاً بك زائرنا الكريم
للتواصل مع مجلتنا نرجو التسجيل
يسعدنا ان تكون واحد من أسـرة المنتـدي
الإداره

مجلة متخصصة في الشعر والخواطر والفنون
 
الرئيسيةالرئيسية  الأحداثالأحداث  اليوميةاليومية  المنشوراتالمنشورات  التسجيلالتسجيل  دخولدخول  

شاطر | 
 

 حدوته مصرية بقلم الشاعر // محمد وجيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد وجيه
محرر
محرر


المهنه : شاعر
الهوايات : الشعر
ذكر الابراج : الجوزاء
المشاركات : 16
نقاط : 48
تاريخ التسجيل : 21/02/2015
العمر : 39

مُساهمةموضوع: حدوته مصرية بقلم الشاعر // محمد وجيه   2015-02-21, 9:12 am


يمكن يكون مش باقي ...........من عمري كتير
 وعشان كده ..
............هقولكم كلامي الأخير
أعتبروه وصيه ..........وخبرة رحلة العمر الطويل
أوعوا يا ولادي .....تقت
لوا قلوبكم ......وده تحذير
العلم نور أكيد .................ووصيه فى كل دين
لكن ربنا فضلنا بالعقل ......ولازم يكون فيه تفكير
وكل شيئ فيه الصح والغلط ........وكله بالدليل
زمان في أيامنا ....اللي سميتوها الزمن الجميل
كان فعلاً جميل.. عشان القلوب كان ماليها الخير
والروح هايمه في كل مكان ...........زي أي طير
الـود كان ساكن العقول قبل القلوب وله علامات
في العادات والتقاليد .......فى الأرحام والعلاقات
ياااااه يا ولادي ..................لما الشريط بيفوت
ونرجع صغيرين ..........ونفتكر أيام لا يمكن تموت
كل أم هى أمي ..............نفس الحب والحنان
وكل أب هو أبويا ...........نفس الإحترام والتقدير
أي بيت كان هو بيتنا........ والجيران كلهم أهلي
واما كانوا بيتجمعوا ....و ألاقي أصحابي بتندهلي
كنا بنحس بفرحة كبيرة ............وأحنا متجمعين
نسمع أجمل حكاوي ...........وكل كلمة لها تأثير
ونضحك من قلوبنا ومن غير نفاق .....ويمكن ننام
عشان نحلم باللي سمعناه ونعيشه في الأحلام
حتى الأعياد والمناسبات .....كان لها شكل تاني
لها معنى وروح ............وبيحسها الصغير والكبير
كانت الفرحة في بيت بتملى كل البيوت ورد وعبير
في الفرح متجمعين ..........في الحزن متشاركين
وفضلنا نكبر ونكبر.......... ويكبر معانا اللي أتعلمناه
الطيبة والمحبة ...........وأننا نكون واحد في الخير
زرعوا في قلوبنا بحكاويهم .......من و أحنا صغيرين
صوت بينادي فينا .................أهم شيئ الضمير
وفاتت سنين وسنين .................علم وأختراعات
وبسرعة أتغيرت كل حاجة.......... وحسينا بالتغيير
زمان لا كنا نعرف موبايل ............ولا مواقع تواصل
إيه جرى للزمان ده ........................وإيه حاصل
كل حاجه حلوة بتموت............... ومن غير جنازة
وكأن عقولنا وقلوبنا وضمايرنا ..............في أجازة
فين اللمة والعِشرة ......والضحكة اللي من القلب
كل حاجة ملهاش معنى .............ولا روح ولا تأثير
بقى كل اللي بينا ...................إتصال ومكالمات
أو نبعت رسالة لبعض.............. على موقع شات
كله نفاق في نفاق...... وبلغتكم سميتُه مجاملات
ألف قناع ومليون وش ..........حتى في السلامات
فرق كبير أوي يا ولادي............. بين زمانا وزمانكم
حاجات كتير سميتوها باسم تاني..... وتقولوا تطوير
الكذب والنفاق مجاملات ...الخداع والغش اشتغالات
صعب تحسوا بمعنى حاجه ....وأنتم بتسعوا للتدمير
وصيتي لكم يا ولادي ............تاخدوا من العلم كتير
لكن إياكم تاخدوا .........اللي يهدم الروح والإنسانية
أزرعوا خير .....هتحصدوا خير ...........بأمر رب الخير
و أوعوا الزمن يسرقكم... ويقتل فيكم الحب والضمير
الرجوع الى أعلى الصفحة اذهب الى الأسفل
 
حدوته مصرية بقلم الشاعر // محمد وجيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مجلة زهرة الصبار :: صالون زهرة الصبار الأدبي  :: شعر وشعراء-
انتقل الى: