2024-02-19, 12:15 pm
من طرف رهان
هم مين وفين مكانهم
اللى بعتينى عشانهم
عملتك هى قرارك
ولا رهنوكى برهانهم
روحى يللا انت بعتى
اشتروكى وكام تمنهم
ولا حد زاغ فى عينك
قلتى أجرب حنانهم
حد منهم قال كلام
طعمه حلو على لسانهم
كان لزوم إنك تشاورى
ولا واثقه انت فى أمانهم
ولا فيهم مين مريش
قام دافعلك أو ضمنهم
ولا انت لسه واقفه
بالساعات قدام بيبانهم
دارى إسمك ويا رسمك
وأحذرى عيون جيرانهم
مش هدخلك فى مقارنه
يومى أحسن من زمانهم
اوعى تنسى إنك وعدتى
الوعود دين عالحراير
بس واضح إنك أردتى
تصلى وتصومى لأذانهم
سليمان دياب
لا يوجد حالياً أي تعليق