2024-02-19, 12:15 pm
من طرف الشاعر المصري /احمد ابراهيم
****************************
فى قصيدة / ( ليلة شتا )
*********************
مابين ضلوعي البردانين
صرّخ الانين
فوق الرصيف قلبي
الضعيف وبيرتعش
بين السنين الغارقانين
بدموع وويل ولكى انتى بعترف
حبيبتى ليه متفراقين
والحزن لينا بيتقسم
حبيبتي ليكى بعترف
انى فى بعدك مش بعيش
وموتى بعدك ده اكيد
ضؤ الحنين بعدك
حبيبتى بينكسر
فوق الرصيف
قلبي الضعيف وبيرتعش
احساس غريب ابعد واغيب
وتغيبي عنى وارتجف
كأنى طفل عنه امه مغرّبه
ودموع في عين الطفل لسه مغرّقه
خده الجميل حابي بيبكى ع الرصيف
وبيرتعش قلبه الضعيف
احساس غريب وشئ مخيف
ده هوّه حالى فى بعدنا
اصرخ وانادي حلمنا
ويزول سواد الليل يزول
نرجع حبيبتى لبعضنا
حبيبتى يا حبة مطر
امتى المطر هيحيّ فرح عمرنا
اه يا كل عمري يا انا
مكتوب علينا الفراق
مكتوب الجرح يضمنا وده شئ مخيف
ولسه قلبي بيرتعش ع الرصيف
ولسه قلبي بيرتعش ع الرصيف
******************************
الشاعر المصري / احمد ابراهيم
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق