2024-09-26, 9:48 am
من طرف 
صبح الصباح ونهارنا نادي
وأنا بنادي آآآآآآه يا بلادي
من كل شبر وكل وادي
وينها هنادي
قالوا راحت في الوبا
قتلها غادر ما اكتفى
إنه سرق فيا ونهب
وعايز يولعها لهب
ويعيد زمان أبو لهب
كافر وعابد للصنم
حسني وقطيعه م الغنم
اللي اغتنم
ثروة بلادي وقوت ولادي
اللي ف خيالي جبتهم
يوم ما حرمني منهم
أجيب منين
ومنين اعيش زيهم
هما ف قصورهم
عاشوا هناك وحدهم
واحنا العبيد
كنا بعيد
نحلم ببكره من جديد
نحلم بزوجه وبطفل وليد
نحلم يموت جوانا خوفنا
ونعيش في يوم يكون سعيد
سعيد ده ساكن جنبنا
شرب وكل من اكلنا
شاب تقولش بدر نازل م السما
خرج ينادي بحقنا
جه من قنا
ركب وابور السكه الحديد
عل القاهره
وراح هناك وسط الشباب
في ميدان جمعنا كلنا
هتف كتير
صرخ كتير
وصرخته كانت زئير
تهتز ليها كل القلوب
وكل تحرير حلمنا
سعيد جدع ابن بلد
بس يا خساره عل الولد
الباشا شافه بعيون السلاح
نشن عليه صاب الهدف
رصاصه في القلب البريء
منها صرخ
وع الارض طاح
نزلت دماه
راحت سفاح
والفجر كان بيدق
ع الباب للكفاح
ضد كل اللي ظلم
وساب في كل بيت الف ألم
ميهمنيش تابع لمين
ظابط برتبه أو آمين
كلاب بتضرب ف الصميم
في رقبه أو عيني اليمين
أو ف الشمال
ماهي برضه لازم
ترضي مولانا الامام
عايز يسيطر ع الزمام
ماسك في ايده هوه اللجام
يقولنا هس نهس
يقولنا حا نحا
يقولنا اخرسوا نسكت ننام
آآآآآه يا سلام
حواليه كلابه بتفتري
في شعب مات من زمان
من ألف الف عام
بس بقدرة ربنا
رجعلته روحه من جديد
قدر يعبر بالكلام
عن الوجع
عن الألم
عن حلم جواه
عمره في يوم
ما راح ينام
مصر هترجع يا لئام
لسعيد وكل من نزف
وفرش لنا الارض أمل
ومن بينا النهارده اتخطف
راح عند ربه ف جنته
هناك بعيد ينعم بالسلام
يبص علينا يقولنا
اوعوا تبيعوا
او تخافوا وتسكتوا
عن حقكوا
ويضيع معاكم حلمكم
هتروحوا فين
ومصر هيه حضنكم
وأمكم
بيتنا الكبير اللي حوانا كلنا
وفيه اللي باقي ف عمركم
انذار أخير أنا ببعته
وبقولكم مصر في رقابكم كلكم
samir
وأنا بنادي آآآآآآه يا بلادي
من كل شبر وكل وادي
وينها هنادي
قالوا راحت في الوبا
قتلها غادر ما اكتفى
إنه سرق فيا ونهب
وعايز يولعها لهب
ويعيد زمان أبو لهب
كافر وعابد للصنم
حسني وقطيعه م الغنم
اللي اغتنم
ثروة بلادي وقوت ولادي
اللي ف خيالي جبتهم
يوم ما حرمني منهم
أجيب منين
ومنين اعيش زيهم
هما ف قصورهم
عاشوا هناك وحدهم
واحنا العبيد
كنا بعيد
نحلم ببكره من جديد
نحلم بزوجه وبطفل وليد
نحلم يموت جوانا خوفنا
ونعيش في يوم يكون سعيد
سعيد ده ساكن جنبنا
شرب وكل من اكلنا
شاب تقولش بدر نازل م السما
خرج ينادي بحقنا
جه من قنا
ركب وابور السكه الحديد
عل القاهره
وراح هناك وسط الشباب
في ميدان جمعنا كلنا
هتف كتير
صرخ كتير
وصرخته كانت زئير
تهتز ليها كل القلوب
وكل تحرير حلمنا
سعيد جدع ابن بلد
بس يا خساره عل الولد
الباشا شافه بعيون السلاح
نشن عليه صاب الهدف
رصاصه في القلب البريء
منها صرخ
وع الارض طاح
نزلت دماه
راحت سفاح
والفجر كان بيدق
ع الباب للكفاح
ضد كل اللي ظلم
وساب في كل بيت الف ألم
ميهمنيش تابع لمين
ظابط برتبه أو آمين
كلاب بتضرب ف الصميم
في رقبه أو عيني اليمين
أو ف الشمال
ماهي برضه لازم
ترضي مولانا الامام
عايز يسيطر ع الزمام
ماسك في ايده هوه اللجام
يقولنا هس نهس
يقولنا حا نحا
يقولنا اخرسوا نسكت ننام
آآآآآه يا سلام
حواليه كلابه بتفتري
في شعب مات من زمان
من ألف الف عام
بس بقدرة ربنا
رجعلته روحه من جديد
قدر يعبر بالكلام
عن الوجع
عن الألم
عن حلم جواه
عمره في يوم
ما راح ينام
مصر هترجع يا لئام
لسعيد وكل من نزف
وفرش لنا الارض أمل
ومن بينا النهارده اتخطف
راح عند ربه ف جنته
هناك بعيد ينعم بالسلام
يبص علينا يقولنا
اوعوا تبيعوا
او تخافوا وتسكتوا
عن حقكوا
ويضيع معاكم حلمكم
هتروحوا فين
ومصر هيه حضنكم
وأمكم
بيتنا الكبير اللي حوانا كلنا
وفيه اللي باقي ف عمركم
انذار أخير أنا ببعته
وبقولكم مصر في رقابكم كلكم
samir
