واقف في الطريق بقلم الشاعر\ احمد التبيني

واقف في الطريق
شعر: احمد التبينى
...
انا ضد اللى واقف ف الطريق
زى الضباب
تمشى ماتمشى بيرصدك
وتلاقى ادامك سراب
ضد اللى كل ماتعلى دور
تلاقيك ف ارض ساكنها بور
ضد تخويف المحبه
وقلع حبه
نفسها تنبت خضار
ضد تدمير العمار
ضد ايد بتطفى شمعه
ترمى على نورها الضلام
ضد ارهاب المسالم
واللى عاشق للسلام
ضد كل الدم لما
يحرم الناس لبتسام
ضد اى رصاص يفرق
سرب حرية حمام
ضد رافض سعينا
يوم نشوفك مصرنا
ضمه بايديكى العرب
رافضه اى ايدين عليها..تترفع
هدم وشغب
ضد انك تكتفى وترددى
نغمة شجب
ضد ايد الكسلانين
ومع الشباب الشقيانين
مع شاب بيكافح سنين
مع شاب بيعاملك بدين
مع ست بتعلم ف جيل
مع بنت ابوها
زرعها ف طين
طلعت بتعلم تلاميذها
معنى الوطنيه انك تتعب
فتلاقى عيونك على وطنك
تتالم على غلب فلسطين
مع كل بنيه بتتباهى
بجزاير ضحكتها(جميله)
مع مصر اما تلم العيله
مع خضره ف تونس بتغنى
لجيبوتى ومورتانيا وسوريا
مع كل اللى بقلبه بيصرخ
وينادى تعيش الحرية
مع كل كويتى واماراتى
مع كل سعودى وعمانى
عاشقين الوحده العربيه
مع جزر القمر اما ينادى
انا ضد استنى التاشيره
لليمنى ابرد اشواقى
انا ويا الاردن فرحانه
والامن ف ارضك ياعراقى
انا ضد التقسيم والفرقه
وسودانى جنوبى وشمالى
مع صوت فيروز اللى بيروى
اشجار الارز ف لبنان
مع ليبى بيزرع ويعمر
ويرجع ليبيا لبستان
انا ويا للايد اللى اتمدت
لصومالى اتشبع حرمان
انا ويا المغرب متعافى
انا عاشق بحرين متهنى
وقطر بتغنى ف اوصافى
انا ضد التجريح فى جسدنا
ماهو اصل وطننا جسد واحد
ماهو اصل وطننا جسد واحد
بقلم الشاعر
احمد التبينى