قصيدة *دموع تماسيح*بقلم الشاعر/ احمد إبراهيم

الشاعر المصري / احمد ابراهيم
***************************
في قصيدة (دموع تماسيح )
***************************
دموع تماسيح وقلبي

جريح وبتألم

على حالي وطال الليل

وغدرك منه هتعلّم

هكون قادر على فراقك

ولا لعنيكي هستسلّم

انا عابر على الاشواك

وفجر هواكي بيظلّم

ولا ليكي فى يوم راح اكون

انا المصدوم من الاول

ولا ليلي في يوم انتى

ولا ليكي انا مجنون

ولا في هواكي بتجنن

خلاص الشمس بتغرّب

واشواقي خلاص بتموت

طريق الحب وياكي

طريق مسدود

ولا ليا في يوم كنتي

ولا ليكى انا الموعود

كفاية دموع

خلاص الدمع كان تمثيل

سنين فى الويل وانا مسلّم

هقولك ايه خلاص الجرح ومعلّم

على صفحة خريف عمري

وعتمة ليل ومات فجري

خريف ممدود

وشاب الفرح من بدري

ومات حلمي انا بيكي وضاع قلبي

خلاص امشي انا ماشي انا راحل

ولا هندم ولا هشكي

ولا حلمك في يوم حلمي

وكان حبك سبب جرحي

انا ماشي من الذكري

ولا بكرة هكون موجود

خلاص كافي ده فى وجودك

سنين وبموت

وتاهة كل احلامي وايامي

كاسيها سكوت خريف طاغي

بدموع تماسيح
************************
بقلم الشاعر المصري / احمد ابراهيم