2024-09-26, 9:48 am
من طرف حلم إزاز
باينلى إزاز
وحلم بعيد
وشوق هزاز
صحيح معادش فى إعجاز
انا عمرى مابدقق
فى حلم حلمته وتحقق
ولا نصفنى مره وفاز
هو صح باينلى إزاز
يا خوفى مرايته تعكسنى
تصحينى وتوكسنى
وتقولى فوق يا انت
معادش ود ولا إعزاز
قولى الصدق يا مرايه
واحكى السر فى حكايه
من بدايه وبنهايه
قالت انت مش فاهم
وروح للى وياهم
قصة كل من حلمو
هتعرف انه ماحصلش
منالش كل من هو عاز
ده انت حلمت يا واهم
بشبح حلم متبخر
لانه كان كيان من غاز
دا كان حلم يا مسكين
جوه بيت كله إزاز
بقلم
سليمان دياب
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق