2024-09-26, 9:48 am
من طرف الشاعر المصري / احمد ابراهيم
***************************
فى قصيدة / ( مكنتش وعد )
****************************
مكنتش وعد لعيونك
ولا فارس يخطّي
الصعب علشانك
مكنتش حلم
ضؤ نورك ولا شوقك
لاانا دهبك ولا ماسك
انا المكتوب اكون راحل
ومتسلسل بأشواقك
انا بحبل الامل ماسك
لكن حبل الامل مقطوع
على حدودك انا الممنوع
بعيد عنك لكن عاشق
على درب الهوى والشوق
حبيبتى ليكى
انا مفارق وانا الغارق
بدمع عيونى بكتبلك
بصرخة حرف مش مالك
يخبّي دمعة الاشواق
بيصرخ صرخة العشاق
على غيابك
ولا مالك اكونلك يوم
انا المهموم
وشايل م الجراح بالكوم
وانا صابر واه يافراق
سنين الغربة وخدانى
ولكى حبيبتى انا المشتاق
وباكية عيونى على حالك
مكنتش وعد لعيونك
ولا فارس يخطّي
الصعب علشانك
مكنتش حلم ضؤ نورك
ولا شوقك
لا انا دهبك ولا ماسك
لا انا دهبك ولا ماسك
*********************
الشاعر المصري / احمد ابراهيم
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق