2024-09-26, 9:48 am
من طرف محبة وطن
-----------
يعني ايه محبة وطن
حضن مفتوح للاخوة
هم واحد وفرحة حلوة
ايد في ايد تبني وتشيد
وطن مش حيفرقه غمة
مكيدة بإيدين خفية
دمها مش دم بهية
ده رسولنا عيسى بشر بمحمد
ربنا واحد هو اللي مرتب
وطول عمر صاحبنا مينا
بيجري ويلعب في حوارينا
وخالتي ترييز بكحكها اللذيذ
اول مهني بعيد يا عزيز
وعم محمد طالع بلحمة
يهني ويبارك لعم ادريس
اصحى يا ابني انت و هي
احنا اخوات في الانسانية
دم مسلم دم مسيحي
كله محرم في الانسانية
عيسى نبي ومحمد نبي
حامل رسالة بكتب سماوية
ربك حافظها ليوم البرية
وما تنسى ربك هو اللي مقدر
ولازم نعيش قانون الانسانية
ايد في ايد حمامنا يرفرف ويزيد
حنعيش وطن مش حيفرقه غمة
--------------------------------- ايمان محمود
أ
لا يوجد حالياً أي تعليق