آدى حواء ...بقلم الشاعر/ خيرى حسنى

قصيده بعنوان
(آدى حواء )
قال عليها
نبينا محمد
بعد ما تصلو عليه
إنهن ينكرن
العشير.
تصرف دهن
قلبك من دمك
عادى شئ
طبيعى وما فيش
جميله دا
كله عندهم ورق
كراريس
مع أي ريح
فى لحظه
بيطير.
هما مين مش
نسل حواء.
تاخد حياتك
وإنت شباب.
تتركك شايب
عجوز تعبان
بيصير.
كل حاجه
عندهم جايز.
حتى طردك
من السرير.
مهما تعمل
تولع صوابعك
العشره ليهم
تشرب قهوة
طول الليل
والصوت فى
الشقه ليها
زئير.
وإن مره
غلبها النعاس
ونامت.
تقلب أودة
النوم شخير.
قال نبينا
فى حديث عليهم
إنهن ينكرن
العشير.
قول لي مره
كلام من قلبك.
وهات لي واحده
قالت بحبك.
ولو غلطة مره
وقالت يبقى
يا وعدى عليك
فى عبايه
حرير.
تسقيك السم
بإيدها وتضحك
ونكدها يغمك
مهما تكون.
لو كنت وزير.
تعقد راسها
بشالها الأسود
وتلبس لك
بلطه غفير.
ولو حنيت
والشوق قاتلك
ليها مره.
ترمى فى وشك
مليون تقرير.
كل فلوسك
صرفاها على
ولادك وأنى
يا حسره.
مش منك
غير وجع القلب
وهمومك على
راسى كتير.
البيت فاضى
مع إنها وكله
من ساعه تفاح
وكان على صنيتها
فى العشا
رز ولحمه وشيبسى
وصلطه ومحشى
من الأنصاف
حتى جرجير.
وبعد دا كله
دا مافيش
تبذير.
قلبك ينتفض
وضغطك يعلى.
وفصيحه وشاطره
فى التبرير.
صحيح هي مراتى
وأختى ومرتك
دى النهارده
لكن زمان
أمى وأمك.
كانت الفرشه
ليها حصير.
ولمبتها جاز
كيروسين.
وكان الغاز قالبين
طوب سهل
التحضير
والفرن البلدى
أبو حطب
تعمل فيه
أحلى فطير.
عايشه ببركة
وعلى إيديها
وبفضل دعاءها
تزيد الرزقه.
كنت تحس
بجلبيتها البلدى.
كأنها ملاك
أو بنت أمير.
راضيه وحامده
ربها وشكره له
فاضله.
وزوجها تاج على
راسها كانت
عارفه من
يومها فقير.
مش بنت الإيه
عمله إتيكيت.
كل كلامها
ياي وباي
وعلى إيديها
نقش الحنه
وبضوافيرها
كوم منكير.
11/12/2020
ترنيمات وخواطر.بقلم)
خيرى حسنى..............)