2024-09-26, 9:48 am
من طرف 
صمت وهدوء
امتى نفوء
دوامه بتخدنا في بحرها
نغرق نتوه
في بحر دم
وكاس بنشرب مرها
فتنه ونار
حرب تتار
تحرق بلدنا كلها
مين مستفيد
واحد عنيد
دافع وماشي لشرها
اوعى تقول
قسيس وشيخ
حل لفتنه ووئدها
فين المحبه
فين الاخوه
الحل فيها وحدها
لا تقولي مسلم
ولا مسيحي
طول عمرنا بنحبها
الكل مصري
عاشق وهايم
عمره ما واقف ضدها
لو يوم عدو
عقله يجن
يحتل يوم ارضها
تلاقي بطرس
ويا محمد
جاهز يصون عرضها
مصر عروسه
في احلي كوشه
الكل دافع مهرها
فستانها ابيض
حرير مطرز
عريسها عاشق حبها
ومهما حاول
اي طامع
يغتال شبابها ومجدها
تفضل عفيفه
حره وشريفه
وربي صاين شعبها
يا دره غاليه
نادره وعاليه
قولولي مين زيها
يا كل مصري
ناضج وعصري
افهم وصون ارضها
من كل ظالم
اعمى وغاشم
عايز يجفف نهرها
dr.samir
