2024-09-26, 9:48 am
من طرف 
من هنا بدأ الطريق
رحلتي من ميلادي للممات
عشت عمري طفل ساكن في الخيال
كل شيء حواليا طبيعي مفيش محال
طفل عادي
شاب هادي
كل أحلامي شايلها جوه علبة ذكريات
زي كل الشباب في سني
ببتسم لليالي تبتسملي
ولما كان الحزن يجي والدنيا تخاصمني
برضه اضحك
كانت الضحكه تلازمني
كنت مؤمن بالقدر والنصيب
وكل شيء برضه هيجي مهما يغيب
كنت عارف إن يوم فرجي قريب
كنت بحلم القى الحبيبه
واكون لها برضه الحبيب
حلم شرعي عايش في قلبي وضميري
إني اتجوز وانجح في حياتي
وتجيبلي زوجتي في يوم صغيري
مرت سنين العمر والحقيقه غير الخيال
واللي كان حلم في يوم بقى شيء محال
النهارده رن الجرس والأنصراف
انتهت قصة حياتي وجت ساعة الأعتراف
خدني منها الموت لرحله تانيه
كل شيء فات من عمري بتحاسب عليه
وكل ثانيه
احتواني القبر ونزلت تحت التراب
كل شيء حواليا مظلم وحاسس بأغتراب
النهارده بدايه جديده ومعاها الحساب
فيها وحدي وكل ما انده عل الحبايب
ما الاقى جواب
انتهت رحلة حياتي من ساعات
وانكسر صندوق خيال الذكريات
وانتهى العمر اللي فات
وانتهت كل حياتي النهارده بالممات
samir
.gif "Pink")
