2024-09-26, 9:48 am
من طرف هما هما زي ما هما
هما نفس الشلة هما لما هموا بقتل حد
هما زادو في بطشهم
هما مش بيسيبوا حد
إعترض في يوم لهما
بس بعدها إستعد
راح تشيل الغم هم
موتك إنت مش مهم
الأهم إن هما
فوقنا مش مهم حد
مش مهم تكون في سجن
مش مهم تموت في سجن
مش مهمه الكلمة منك
الأهم السجن فرض
ياللي فاكر إن هما
حيشيلو منك في هم
تبقي أعبط م اللي منهم
واللي منهم مش مهم
المهم إن هما هما هما
وإنت دورك مش مهم
خد نصيحتي لو فهمت
اوعي يوم تقول لحد
بقلم الشاعر
#mohamed_hamada
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق