2024-09-26, 9:48 am
من طرف أنا مش ملاك جاي م السما
أنا مش نبي
أنا مش حكيم علمه سما
أو إني معصوم م الغلط
أنا بشري مش جهنمي
وإذا كنت ليك أنا معترض
فأنا مش معادي لحضرتك
أو بينا طار من كام سنه
أنا مش غبي
ولا كان في بالي قسوتك
ولا يوم فهمت أنا نيتك
مش راضي تسمع كلمتي
وعايزني رغم تكبرك
أنصت في سمعي لكلمتك
بالغصب من غير ماأشتكي
وإنت اللي ليك حق إعتراض
من غير دليل
وبالإفتراض
إنك صحيح فوق العيوب
منتاش ولي
فأنا مش ملاك فوق العيوب
ولا حتي كنت جهنمي
#mohamed_hamada
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق