2024-09-26, 9:48 am
من طرف نفسي أبكي
..........
بتجبيها منين
قوليلي ..
مش دموع ..
دي بحور غريقة
نفسي أبقى
في مرة زيك ..
وأعرف أبكي
ولودقيقة
بتجبيها منين ..
قوليلي
..........
إللي شايله
كتير في قلبي ..
بس ليه
مش لاقي دمعة ..
سامعة لما
بيشكي حالي
في كل دقة ..
ببقى نفسي بجد
أبكي ..
والدموع بتقوللي
لأة
ببقى عايز مني
أهرب ..
عايز أصرخ ..
عايز أغضب
عايز أجرب
دمعة يمكن ..
تهدى جوه
القلب حرقة ..
بتجبيها منين
قوليلي
..........
أنا بحسدك بجد ..بجد بحسدك ع الدموع دية..وبسألك ..وهفضل أسألك ..دموعك بتجبيها منين؟
بقلم
محمد عبدالرحيم
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق