2024-09-26, 9:48 am
من طرف خارج الصندوق
------------------------
عشت عمرى حبسه جوه صندوق
صندوق معشش جهل
ومظاهر ماشية بالمقلوب
شبابي بيموت يا اخونا
نفسي اخرج بره مخنوق
قالوا العمل عبادة
يافطة على الحيطة
وكراسة المجهود
خلصت جامعتى انا
وحاطت شهادة في شنطتي
وابويا زرغت وقتها
واهو قاعد مهموم
وقال ايه مهندس
والثانى دكتور
والثالث اخدها من اخرها
واخد دبلوم
كله محصل ياسيدنا
وقاعد في البدروم
حبيبتي وصحبتي الغالية
كانت خلاص حتروح
كسرت سجني انا
وخرجت بره الصندوق
اخدت عجلة عمنا
واستلفت حق صندوق
وعملت مشروعي انا
على قد ايدى مظبوط
جريت بسرعة على مهجتى
ابوها طلع موزون
قالي يابني ده شرف
انك خرجت بره الصندوق
بنتى اهيه يا ولد جنبك سند
واللي بدأ من غير خجل
بكرة يبقى فوق
ماهو قرش على قرش
العداد ماشي بيلف
بدل ماتقعد على الناصية
والصحة قاعدة بترف
ياااااااه يا ابوالحبيبة
انت مثل لازم يلف
لازم جيرنا يعرفوا
ان العمل عمره مايقل
عادات قديمة معدمة
ان البنية بختها ما عاد يقل
عن دكتور وظابط
وان جاء محاسب يبقى معلشي
صندوق وخانق نفسنا
عن اي سكة تفتحلنا
لكن انا فتحت طاقة نور
بصيت لقتنى يا أنا
خارج الصندوق
بقلم
ايمان محمود
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق