2024-09-26, 9:48 am
من طرف الشاعر المصري / احمد ابراهيم
**************************
فى قصيدة ( هكسر جدار الصمت )
*****************************
هكسر جدار الصمت عن موتي هتحرّر
يصرخ معاية القلب من تانى بيدوّر
على شعاع الامل من تانى هينوّر
يا ساكنين الشام بسأل ومتحيّر
امتى يكون الفرح فى سماكو يوم يظّهر
يا ساكنين تكريت ومعاها الانبار
هو الحصار م النار
وعاليا دي الاسواروالغدر بيدمّر
تهجير وجوع تشريد وفوق ماتتصوّر
يا كاتب التاريخ اكتب كمان واحكي
النار بتاكل عدن وبجرحها بتبكى
والقدس تصرخ الم وبالالم تشكي
يا كاتب التاريخ ليبيا
بأهات بتئن والدمعه مخنوقه
وتونس الصبرة والفرحه مشنوقه
هو الحصار ده حصارولا ده لعب بنار
قاضي على حلمنا
ثمنه يكون دمنا والحزن بيت ضمنا
والفرحه مشنوقه
وبصوتى انا بصرّخ
هكسر جدار الصمت عن موتى وتحرّر
يا كاتب التاريخ اكتب ودوّن هنا
كان يوم هنا حلمنا بس السلام سافر
جرح العرب ناذف
ودموع على خدنا تحكي على جرحنا
اكتب كمان دوّن
شام الالم شامي لو ليبي وعراقي
او يمني او تونسي او حتى انا المصري
هكسر جدار الصمت عن موتى
هتحرّر ايوة لازم وهتحرّر
******************************
بقلم الشاعر المصري / احمد ابراهيم
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق